歐霸盃32強首回合今晚開打，英超阿仙奴作客白俄球隊巴迪。阿仙奴主帥艾美利堪稱「歐霸專家」，今屆6戰贏5場，其中4仗半場就領先，造訪實力麻麻嘅巴迪可速戰速決，半場客勝有計。
（Now 643、有線656及616台周五凌晨1時55分直播）
主帥艾美利堪稱歐霸專家
由於英超前4競爭勁激烈，阿仙奴亦希望藉贏得歐霸盃，取得下屆歐聯入場券，況且其主帥艾美利喺2014至16年執教西維爾期間，連續3屆喺歐霸封王，所以艾帥對呢個盃賽駕輕就熟。雖然阿仙奴仲有好多傷兵，幸好米希達利恩啱啱喺上場聯賽對哈特斯菲爾德傷愈復出，表現唔錯，對艾帥嚟講可謂及時雨，加上有快翼伊禾比支援箭頭拿卡錫迪，攻力唔曳。
主場嘅白俄班霸巴迪實力一般，今屆歐霸盃分組賽6戰3勝3負，包括兩鬥副選出戰嘅車路士全敗，僅以次名出線，入到32強已經達標。阿仙奴今屆歐霸堅Sharp醒，6場分組賽豪取5勝1和不敗，其中4仗上半場就領先，踢法搶韁足夠恰死巴迪，客勝得1.3倍，不如轉玩半場客勝。