另一場歐聯16強首回合，里昂主場硬撼巴塞隆拿。巴塞今屆歐聯表現穩陣，最緊要係睇到美斯回復鬥心，16強抽靚籤對私房菜里昂過關無難度，巴塞近6次對里昂4勝2和，近4次交手美斯入3球，今場巴塞絕對可以睇定嚟食，客W有1.63倍絕對超值。
（Now 644、有線662及602台周三凌晨4時直播）
巴塞剛與主帥華爾維迪續約1年，有助穩定軍心，隊長美斯傷勢亦冇礙，夫添出擊攻力有保證。始終近3屆歐聯由死敵皇馬包辦，巴塞上下對「大耳朵盃」飢渴感十足，美斯喺分組賽亦有上佳表現，老實講，有鬥心嘅美斯一般人真係好難防到佢。
里昂王牌費基亞停賽
里昂算是16強入面實力較弱對手，雖然佢哋曾經喺分組賽擊敗曼城，但最終只得1勝5和僅僅出線，兩回合4場對住薩克達同賀芬咸都贏唔到波，水準可想而知，最大鑊嘅係，今場王牌費基亞要坐波監，費基亞同哥尼特同樣為里昂喺分組賽射入3球，佢嘅缺陣勢必令火力受削，想反抗吓嘅能力都欠奉，巴塞可以肆意進攻。
翻查埋賽績，雙方近6次於歐聯交手，巴塞4勝2和未輸過，而美斯更喺近4場射入3球，今場巴塞只要發揮正常，球隊作客早早奠定勝局，對聯賽及西班牙盃部署都有正面作用，客W可以放心捧場。