A米入波即追大波膽
今個星期戲碼新新哋，做場柏林聯對比勒費爾德，兩隊歇冬後都4戰3勝，而且分別擊敗過科隆及漢堡，狀態信心都處巔峰。事實上，柏林聯打打吓已壓過科隆上埋第2，肯定有爭升班決心，加上季內主場不敗，呢場小讓半一都係要買定先，待即場再搵其他投注策略。
同晚繼續多波打，迪安同聖伊天早前法足盃交手踢咗場3比6出嚟，當然要小心嗰場係大雪下打嘅波可能有失準，但呢場如果大家想用嚟過關買口大亦無妨，走地更可睇實，如迪安又入波先可積極買「反吸」及入球大。夜啲仲有A米開上戰陣，講明下半季銀行隊當然繼續買，主隊讓一球/球半易食，入波後走地追上4比0、4比1等大波膽。
周五仲有兩場英超早波上演，韋斯咸抖夠係時候主場反底，富咸亦當決賽踢，呢場開入球大機會極高；卡迪夫城同樣護級心切，屈福特用波能力強會逼得卡城多失誤，可先買角球大睇波；西甲方面，有武磊壓陣嘅愛斯賓奴主場出戰侯爾斯卡，贏面高之餘武磊亦極有機會攻入開齋波，真係唔買都要睇吓。