本周中有英超快車，周三凌晨焦點係啱啱炒咗領隊佩爾嘅李斯特城主場迎戰白禮頓。李斯特城之前7場只得1和6負，日前終於怒炒不得民心嘅佩爾，雖然仍未搵到新帥，但佩爾離隊，相信會令士氣大振，同佢不和嘅占美華迪等主力大踢爭氣波。白禮頓近況一般，單計客場，近5場聯賽作客僅得1和4負，包括對弱旅富咸亦反輸2比4，令人失望，造訪剛易帥嘅「狐狸」凶多吉少，主勝有計。
（Now 624周三凌晨3時45分直播）
紐卡素般尼吼半場和
至於紐卡素就會主場硬撼般尼，「喜鵲」上場憑荷西朗頓入波兼助攻，以2比0擊敗打少個嘅哈特斯菲爾德，雖然不斷搶分成功，但同降班區分數距離仍然好接近，故此未能鬆懈，以主帥賓尼迪斯嘅保守風格，必定先求穩陣，從近5場正式賽事4場開出半場和可見一斑。同樣要護級嘅般尼，擺脫季初頹勢，近8場聯賽保持不敗，包括上場以2比1擊敗熱刺，其中5場開半場和，預計兩軍初段都會就住嚟踢，半場和值得再追。
（Now 621周三凌晨4時直播）