周四凌晨曼聯利物浦聯賽分途出擊。其中曼聯將會作客面對水晶宮，啱啱踢完「雙紅會」嘅「紅魔」陣中傷兵滿營，好彩依然有保羅普巴坐鎮中場，加上領隊蘇斯克查領導有方，實力有保證，應付水晶宮絕對綽綽有餘，客勝捧得過。
（Now 624周四凌晨4時直播）
水晶宮火力弱難威脅
曼聯雖然有桑馬達、靴里拉及馬迪爾等傷兵，好彩中場保羅普巴喺「紅魔」名宿「蘇B」調教之下大爆發，助曼聯近7場客戰全勝，包括擊敗阿仙奴同熱刺，表現夠晒說服力。況且水晶宮過於依賴韋費特沙夏數胡，佢被凍結球隊進攻即刻癱瘓，球隊今季聯賽主場只入得9球，火力極度疲弱，呢場面對「紅魔」好難招架，捧番客勝好過。
利物浦屈福特捱細界
另一場爭標關鍵戰，利物浦主場迎戰屈福特。「紅軍」近期火力大跌，前場三叉戟穆罕默德沙拿、沙迪奧文尼同羅拔圖法明奴狀態麻麻，其中巴西仔羅拔圖法明奴上場「雙紅會」0比0賽和曼聯一役慘做十字軍，呢場鬥屈福特唔使預佢。面對不嬲以強悍防守見稱，近期作客成績不俗嘅屈福特，利物浦鋒線未必可以輕易攞到着數，中位數2.5球入球細值博。
（Now 623周四凌晨4時直播）