周五下午澳職獨腳戲，FC悉尼將會主場迎戰阿德萊德聯。FC悉尼為保住2哥位置依然要搶分，不過佢哋嚟緊即將要出戰亞冠，今場肯定希望速戰速決，盡早搶得領先優勢免除後顧之憂，半場主勝值博。
（Now 639、有線615及655台周五下午4時50分直播）
阿德萊德聯冇態慢熱
即將喺亞冠分組賽硬撼蔚山現代嘅FC悉尼，近期主場表現搶韁，近4仗主場3次半場就領先對手，開局氣勢如虹。其中今季加盟嘅英格蘭前鋒方祖近期腳風正順，連續2場上陣都有斬獲，聯賽已經累積射入14球，高踞澳職射手榜榜首，今場有佢壓陣，FC悉尼主場出擊有力再先下手為強。
阿德萊德聯雖然季初曾經擊敗FC悉尼捧起澳足盃冠軍，不過今季聯賽對住FC悉尼，就僅得1和1負，加上阿德來德聯喺聯賽已經3輪未贏過波，狀態認真麻麻。況且FC悉尼近3仗主場同阿德萊德聯交手，全部半場就已經取得領先優勢，明顯專剋開局慢熱嘅阿聯，今場半場主勝值得追捧。