另一場16強次回合，多蒙特主場再鬥熱刺。多蒙特首回合落後0比3，今場定必背城借一狂攻對手；熱刺作客累積4連敗，加上領先3粒戰意遠遠不及主隊，多蒙特讓平半，波童捧上盤。（Now 643、有線656及616台周三凌晨4時直播）
今場對賽雙方近況都麻麻，多蒙特聯賽加盃賽近7場只贏1場，喺聯賽已被死敵拜仁慕尼黑追至同分，形勢危急。不過「蜜蜂兵團」發揮失準多數係作客賽事，如果單計主場，佢哋今季踢咗17場保持不敗，一共攞到12勝5和亮麗成績，當中合共轟入50球，當中只有1場冇入波，進攻火力依然有保證。
熱刺作客腳仔軟
表現跌Watt嘅熱刺上場北倫敦打吡，僅憑1個問題12碼逼和阿仙奴1比1，近3場錄得1和2負，而且佢哋近4場作客不單只全部輸晒，而且全部都係先失波，平均每場失2球，足見防線甩漏甩甚多。熱刺依家有3球優勢在手，形勢上只要唔好輸多過2球亦可晉級，今仗爭勝決心恐不及主隊，多蒙特小讓平半，捧上盤為妙。