另一場歐聯16強次回合，波圖主場硬撼羅馬；波圖首回合僅輸1比2，晉級未絕望，必藉主場之助瘋狂搶攻。羅馬踢法有前無後，尤其近兩屆出戰歐聯經常與對手合演入球騷，預計今場入波唔會少，中位數2.5球大盤博得過。
（Now 644、有線662及602台周四凌晨4時直播）
波圖首回合作客羅馬雖然輸1比2，但由於攞到1個作客入球，今場只要贏1比0就可進身8強。總計各項賽事，波圖對上16場主場贏咗15仗，包括喺今屆歐聯分組賽先後擊敗加拉塔沙雷、莫斯科火車頭及史浩克04，水準非常穩定，絕對有本錢收復失地。
以攻代守更實際
羅馬貴為上屆4強分子，實力當然不容忽視，不過佢哋上屆3場淘汰賽作客全部輸晒，加埋失咗11球，依家只係領先波圖1粒唔多穩陣。睇番羅馬對上11場歐聯一共入咗23球、失21球，有10場總入球開3球或以上，與其勉強死守，倒不如以攻代守，捧中位數2.5球大盤最好路。