今晚亞冠盃H組首輪上演「中日大戰」，由中超盟主上海SP，於主場迎戰日職2連冠川崎前鋒。上海SP今屆有「武球王」武磊離隊，火力下降，但川崎嘅小林悠仍陷入球荒，客場出擊唔敢亂攻，捧2.5球嘅入球細最划算。
(Now 670、有線651及611台周三晚7時30分直播)
武磊離隊影響大
上海SP上季打破FC廣州嘅中超7連冠壟斷，中國國腳武磊可謂居功至偉，「武球王」上季聯賽轟27球勇奪金靴獎，同時力壓一眾外援，榮膺中超最佳球員，不過佢依家已轉投西甲嘅愛斯賓奴，單靠巴西球星侯克攻堅，對上海SP嘅進攻影響唔細。
川崎前鋒連續2季於日職封王，小林悠、中村憲剛、家長昭博等功臣都留隊，但佢哋仲未操弗，其中射手小林悠今季仍未開齋，難怪聯賽連日超盃在內，川崎開季3場僅入2球。原來兩軍喺上屆亞冠盃分組賽同組，兩次碰頭川崎僅得1和1負，最終6戰不勝出局，其中5場開2球或以下，依家鋒線啞火，定必先做好防守，2.5球嘅細盤有計。