估計有波入嘅和局
德乙估計未來一兩季都會盡快引入VAR，到時啲比數將會更大，不過我哋放眼今晚場波先，波琴大戰海登咸。波琴歇冬後走晒樣，同陣中多名傷兵有直接關係，睇番佢哋季內主場敗仗，多係輸畀柏達邦、基爾等，即係面對攻力強嘅球隊就會被壓制，還好今場海登咸嘅火力未到呢個級數，不過以海登咸近戰氣勢好，又未必輸得畀你，睇嚟極似一場有波入嘅和局！
同晚祖記對烏甸尼斯，主隊贏波應無懸念，一如上星期喺節目中講，祖記上星期受讓真係天下奇聞，呢場讓球開到讓球主客和「-1」低水而唔開讓兩球盤口嘅讓球，似乎莊家又係寧壓低水位博輸少啲格局，反正有走地，唔同佢博第二球，寧買半場主勝，即場睇情況再加注。另一場德甲不來梅近況唔錯，已多場不敗，撞正有可能為歐聯留力嘅史浩克04，有主場之利可先小注上盤，即場見出現入球後，大細中位數喺2.5左右先追入球大，減少風險。