西甲「1哥」巴塞隆拿周日凌晨會喺主場迎戰華歷簡奴。巴塞近11次對華歷簡奴全勝，而且經常出現大波膽比數，咁啱巴塞今場有中堅基文迪朗格勒停賽，後防隨時有甩漏，讓球主客和巴讓二球唔穩陣，轉捧3.5球大更划算。（Now 632周日凌晨1時30分直播）
巴塞近期氣勢如虹，先靠美斯連中三元反勝西維爾4比2，之後喺西盃及聯賽兩場國家打吡連挫死敵皇家馬德里，除咗強勢進身西盃決賽，聯賽榜亦拋離第2位嘅馬德里體育會7分，繼續向三冠王目標邁進。雖然巴塞下周將要喺歐聯16強次回合迎戰里昂，不過連同今仗兩場都喺魯營出戰，相信唔使太過刻意留力。
近11次碰頭
炮製57入球
另邊廂，華歷簡奴聯賽5連敗，狀態、士氣難與巴塞相比，但考慮到華歷簡奴首循環對巴塞僅負2比3，而且巴塞今場有中堅基文迪朗格勒停賽，另一中堅烏姆迪迪亦剛傷愈，狀態恐未十足，話唔定會畀踢法進取嘅華歷簡奴偷到雞，讓球主客和巴塞讓二球有潛在風險，既然兩軍近11次碰頭一共合力炮製57個士哥，有10次總入球達4球或以上，今場轉捧3.5球大最穩陣。