今晚西甲尾場，「銀河艦隊」皇馬作客對華拉度列。啱啱於歐聯出局嘅皇馬，依家內部立立亂士氣曳爆，隊長沙治奧拉莫斯亦要坐波監，不過華拉度列攻力疲弱，轉捧3.5球嘅入球細最穩陣。
（Now 632周一凌晨3時45分直播）
皇馬喺上周中歐聯16強次回合，於主場對阿積士竟慘敗1比4，兩回合計反輸3比5，令呢支歐聯3連冠勁旅提早出局，亦係自2004年後，首次主場4連敗，包括兩次輸畀死敵巴塞。一系統羞家戰績更引爆內訌，有傳隊長沙治奧拉莫斯同會長皮里茲吵大鑊，隨時執包袱走人，若果真係解約，皇馬要賠2500萬歐元。而且主帥蘇拿利基本上都冇得留低，問題係捱唔捱到埋季尾，如果成績再差落去，有傳皇馬會搵名宿施多夫頂到季尾，亂到冇朋友，依家個個人心惶惶，士氣低落。
征華拉度列吼3.5球細盤
講番今場波先，沙治奧拉莫斯要停賽冇得出，上仗傷出嘅盧卡斯華斯基斯同雲尼斯奧斯祖利亞繼續倦勤，而加里夫巴利因身體不適，近日未有操練，上陣成疑，蘇帥可能要焗用同佢不和嘅艾斯高，夥拍賓施馬及馬高阿辛斯奧，唔慌會同佢搏命喇，攻力大減。不過華拉度列 自季初有朗拿度入主掀起一輪「大哨效應」後，近期表現下滑，近7場聯賽5度落敗，最弊係入得3粒咁大把，面對皇馬必定死守，正路捧番3.5球嘅入球細。