嚟緊係國際賽周，星期一啲波就相對靜少少，不過唔代表冇好嘢，阿King幫大家做吓功課，買條過關以小博大啦。德乙雷根斯堡主場對格雷特霍夫，格雷特霍夫前線啞火，射手祖利安格連停埋賽，作客難敵升勢中嘅雷根斯堡，雷根斯堡讓半一仍抵玩。
格雷特霍夫整體作客成績排聯賽尾4，但得球數字真係低到得人驚，13戰只入8球，係德乙唯一作客入波只得個位數字嘅球隊，佢哋離開咗主場就好似唔識踢波咁，近8場聯賽作客只得2和6負，坐擁主場之利嘅雷根斯堡可全取3分。
班菲特遇剋星捧對家
跟住揀兩場阿甲，先講班菲特主場對葛度爾古斯，葛度爾古斯堪稱班菲特剋星，近5次交手獲4勝1和，而且球隊冇特別傷停，今場可以搶分而回，受讓必捧讓球客勝。至於颶風隊主場對學生隊，相信係一場悶戰，颶風隊近4仗入得1粒，毫無威力，士氣好低，學生隊作客又唔掂，近3場輸晒只入過1球，而且雙方近5交手亦全開2球或以下，即使中位數調低至2/2.5球，今場一樣揀入球細。