前線新老組合未執掂
歐國盃J組賽事，意大利主場鬥列支敦士登；意大利由文仙尼掌帥後，仍未完全解決球隊鋒力不足嘅問題；列支敦士登近年表現有進步，近5場歐國外作客全開4球或以下，一心死守未必會大敗，中位數4.5球捧細盤。
（有線605台周三凌晨3時45分直播）
文仙尼出任意大利領隊以來，球隊踢咗10場比賽一共攞得4勝4和2負，當中除咗上場對芬蘭同贏沙特阿拉伯之外，其餘8場比賽從未試過單場入多過1球，由之前重召巴洛迪利、試用保列坦奴、拿沙格拿等新人，到今次重召36歲老將加利亞雷拉及起用19歲小將摩斯堅恩，文仙尼明顯仲未搵到一個理想嘅攻擊組合。
列支敦士登唔再魚腩
世界排名181位嘅列支敦士登喺外圍賽陪跑居多，不過近年已經縮窄差距，唔再任人魚肉，例如上場歐國外主場僅負希臘0比2，上屆歐國盃外圍賽亦唔使分組賽包尾出局，其中5場作客總入球全開4球或以下，當中仲曾經贏過摩爾多瓦1比0，對住唔識攻嘅意大利預計唔會多入波，大細中位數有4.5球波童捧細盤。