國際賽檔期場面較冷清，不過聽朝都有幾場南美波畀大家過吓癮。自由盃B組巴西高士路主場迎戰拿拉體育會，委內瑞拉球隊拿拉體育會實力未見標青，作客遇自由盃常客高士路，經驗輸蝕，捧高士路半場主勝。
（周四早上8時30分開賽）
高士路上屆自由盃8強止步，今次肯定望走得更遠，早前首戰就以1比0擊敗阿甲勁旅颶風隊。計埋呢場自由盃勝仗，球隊各項賽事近5仗全勝，而且全部半場就領先對手，踢法極為搶韁，隊中王牌前巴西國腳費特近8次上陣省7粒，腳風順到冇朋友，有佢孭飛高士路主場可速戰速決，半場主勝唔好錯過。
串埋聖保羅哥連泰斯Ｗ
另外介紹埋兩場巴省聯8強次回合大戰，首先伊圖諾主場挑戰聖保羅，聖保羅首回合贏2比1，手握晉級主動權，加上有前鋒利尼復出，有力再下一城，客勝好路。（周四早上6時15分開賽）
另一場哥連泰斯鬥費路維拉亞，首回合雙方踢成1比1，哥連泰斯今仗返主場仲有阿根廷射手保斯利候命，贏波晉級係基本要求，主勝捧得過。
（周四早上8時30分開賽）