今晚聖保利主場出擊對杜伊斯堡，主隊排第四極有可能殺入附加賽，點都會盡贏對手，讓半一上盤可買。
（on.cc東網周六凌晨1時30分直播）
入波後買注入球細
聖保利我哋同大家都睇過唔少次，早幾場仍靠老將美亞擔大旗，前場火力為前列球隊中最弱，對上4場贏兩場，贏波都只係僅贏一球，不過既然佢哋有能力零封柏達邦，防守能力又值得信賴，畢竟主場之利加上要搶分，呢場打榜尾二嘅杜伊斯堡都至少贏半格，走地等入波後買注入球細就收手。
同晚德甲大戰，賀芬咸國際賽前走樣火力大減，但計人腳算齊整，利華都出晒名有前冇後，呢場好難開唔到入球大，但有耐性等到2.5球先買會好啲；雷恩同里昂齊齊歐戰出局，最後階段同為歐戰席位搏命，兩隊都係快打快，呢場入球又係偏大，隨時走地可博一兩注對碰3比2波膽。