周六晚西甲焦點戰，巴塞隆拿主場同愛斯賓奴上演加泰羅尼亞打吡。雖然近期中國前鋒武磊加盟愛斯賓奴成為西甲話題，但「武球王」與真‧球王美斯實力仍有一段距段，加上巴塞近年面對同市死對頭佔盡上風，近6次聯賽碰頭5次贏3球或以上，巴塞讓兩球、兩球半放心捧上盤。
（Now 632周六晚11時15分直播）
「武球王」難敵真‧球王
巴塞球星美斯啱啱贏得球會史上最佳入球，就係2006/07年球季喺西班牙盃4強首回合對基達菲，1個扭5個射入馬納當拿式入波。呢名阿根廷球王近3仗為球隊上陣都有斬獲，共轟入6球腳風奇順，其中上仗聯賽面對貝迪斯一役更連中3元，超班表現令對方球迷都忍不住起立為佢鼓掌。國際賽期間美斯為阿根廷出戰雖然受傷，可幸事後證實傷勢不算嚴重，今仗有望繼續披甲，有佢壓陣巴塞火力絕對有保證。
今仗另一焦點落喺愛斯賓奴中國前鋒武磊，「武球王」加盟後憑聰明嘅走位，令球隊進攻瓣數更加豐富，迅速佔據正選位置，可惜球隊中場沙治戴達今仗要坐波監，缺少好搭檔嘅高質傳送，武磊作用肯定大減。況且兩隊近6次聯賽碰頭，巴塞5次都贏3球或以上，往績佔盡優勢，讓球盤開到巴塞讓2/2.5，一樣照捧上盤。