至於頭場東網都有直播，護級戰紐倫堡主場鬥奧格斯堡，聯賽剩低最後8輪，包尾嘅紐倫堡落後尾3嘅史特加7分，想搶護級附加賽資格未來每場都係決賽，尤其今仗主場對同級對手，勢必背城借一力爭3分，遇上剛贏波護級壓力大減，作客又唔掂嘅奧格斯堡，單睇決心已贏晒，仲有受讓平半之利，黑柴推介紐倫堡下盤。
（on.cc東網周六晚10時30分直播）
淪落到包尾，紐倫堡當然實力有限，佢哋季中見形勢不利，高層已經嚟過一次大革命，整個領導層包括體育總監同成個教練組都被炒，由二隊教練舒賀馬斯頂上做臨時主帥，呢位少帥上任後，球隊整體表現同精神面貌其實有好大改善，雖然單睇成績，佢上任5場比賽只得1分，但首仗作客西法倫球場守和1哥多蒙特已一鳴驚人，防線組織嚴密近乎滴水不漏，可惜次仗主場對杜塞爾多夫當黑，開波僅4分鐘已踢少個，但都能夠領先半場，最後捱唔到尾但人少打人多表現一啲都唔差，近3仗喺傷停問題嚴重下分別出戰勁旅萊比錫、賀芬咸同法蘭克福都係僅輸1粒，今晚重返主場兼傷疲盡起，守將利保特同中場馬圖斯佩雷拉都停滿復出，遇上上輪險勝弱旅漢諾威表現麻麻，近8場作客賽事未贏過嘅奧格斯堡，紐倫堡有權大變身，下盤甚至主W都值博。