季後賽資格未穩唔敢hea
周五澳職獨腳戲，墨爾本城迎戰布里斯班獅吼。排聯賽榜第6位嘅墨爾本城上場作客淨吞西悉尼流浪者3蛋，近8場聯賽僅得1勝，佢哋現時只比第7位嘅紐卡素噴射機多7分，仍未穩奪前6位嘅季後賽資格，今仗主場料急攻對手，中位數1.5球嘅半場大值博。
（Now 639、有線655、615台及myTV Super302周五下午4時50分直播）
睇番現時排尾2嘅布里斯班獅吼落後第6位嘅墨城18分，已肯定無緣進身季後賽。佢哋對上18場聯賽場場有失波，包括近5場作客狂失14球，單計上半場更已失咗9球咁多，今場半場失波唔出奇。
獅吼入得又失得
不過獅吼勝在有一定入球能力，而且經常甫開賽便搶攻，近5場作客聯賽上半場共入7球，全部半場開2球或以上，今場隨時同墨城對攻。
常規賽剩番4輪，墨爾本城希望穩奪季後賽位置，或者爭取更佳排名，主場出擊一定要搶到盡，教練華倫祖斯賽前收到嘅好消息，係球隊傷疲盡起，可以夫添全力爭勝，遇正傷兵滿營嘅獅吼，可以盡情進攻，早早入多幾粒奠定勝局最緊要，中位數1.5球半場大要捧。