夏令時間殺到，早咗開波點能夠唔睇；今晚有雷根斯堡大戰波琴，兩隊波都被前3名甩開左，還好仲有成7周賽事，總不致戰意盡失，兩隊球隊都把握力一般亦傾向保守，呢場先買一注入球細睇波，即場再定投注策略。
雷根斯堡今季主場出擊僅4捷，和波率極高，所以主隊要讓波本來就一定避之則吉；而事實上，近戰佢哋主場未至於冇入球，又點解先捧口入球細呢？好簡單，因為都預咗呢隊雷根斯堡會入波先，今季直播睇過佢哋作風傾向保守，入波後肯定唔會加壓，相對另一邊波琴傷兵一大籮，森姆及美亞等主力都有傷，睇嚟冇得揀都要專注防守，計實力主隊最終有力小勝，但幾時出手買主勝及下一隊入球，都係等即場我同比少喺節目入面再同大家一齊研究。
緬恩斯弗賴堡和波格
至於同晚緬恩斯對弗賴堡一戰，本來平常小弟一定避呢啲波，但留意兩隊分別領先尾三史特加10分以上，今戰和波可謂對雙方都有利，不妨小注玩下；波爾多突然6場不勝同之前走勢大相逕庭，似乎刻意避開唔想打歐戰，馬賽其實狀態極佳，上場和波僅因贏緊兩球打少個人，平半盤捧客隊；英超就一就「利記」歐聯之路放星期五出擊，問題係修咸頓正宗魚骨，讓太深避一避，小注特別項目沙拿被換出就算。