周日晚英格蘭足總盃4強大戰，屈福特將會喺溫布萊球場鬥狼隊，等阿King趁機提供過關心水。前場火力有番咁上下嘅狼隊，今屆出戰英足盃幾乎場場都同對手鬥攻，喺聯賽無欲無求情況下，為爭入決賽今場肯定同屈福特搏盡，中位數2.5球入球大要得過。
（周日晚11時開賽）
屈福特同狼隊現時排聯賽榜中上游，既冇降班威脅，亦難爭入前6，今場可無牽無掛爭入決賽。其中狼隊今屆英足盃先後淘汰利物浦同曼聯兩支英超Big 6勁旅，表現夠晒搶鏡，但亦試過要同英甲球隊梳士貝利鬥足兩回合先晉級，可見狼隊明顯重攻輕守。計埋呢3圈賽事，狼隊近5次出戰英足盃有4次開3球或以上，今場對住鋒力不俗嘅屈福特，隨時再演入球騷。
畢爾包主將缺陣反得過
較早時間開波有西甲基達菲主場鬥畢爾包，排名第8嘅畢爾包仲有機會搶歐霸資格，可惜進攻核心蒙尼恩今場停賽，令實力大打折扣，好難同表現硬淨嘅基達菲搶分，捧番主勝好過。
（Now 632周日晚8時直播）
最後有護級分子切爾達主場面對皇家蘇斯達，切爾達球星伊亞高艾斯巴斯強勢回歸，頻頻幫球隊搶分，今場有佢壓陣肯定多波入，中位數2.5球入球大唔好錯過。
（Now 632周一凌晨零時30分直播）