今晚除咗有2場歐聯8強首回合，分別係曼聯對巴塞隆拿、阿積士對祖雲達斯係重頭戲之外，唔好忘記仲有英冠快車，包括榜首嘅諾域治對榜末分子雷丁，與其將牌面高嗰隊作為投注目標，倒不如玩刀仔鋸大樹，牌面較低嗰隊未必輸蝕。
先講歐聯，雖然有美斯擔正嘅巴塞及C朗助陣嘅祖記，牌面實力明顯高一籌，但其對手曼聯及阿積士都唔係善男信女，迎戰勁旅順勢變under dog，先做好防守。畢竟今仗只係首回合，而且主場出擊之下，贏波反而係次要，最緊要主場保持不失球，若果被對方搶得作客入球的話，便會後患無窮，相反，無論贏波與否，只要主場保持清白之身，次回合作客搶得入波嘅話，就會畀到敵軍更大壓力，可預見曼聯同阿積士今仗會穩陣行先，唔會輕舉妄動，和波唔奇。
至於諾域治對雷丁，睇落強弱懸殊，但諾域治依家領先「2哥」錫菲聯7分，優勢明顯，聯賽剩番6輪，取得直接升班資格機會好大。反而雷丁要為護級搶分，戰意可能比諾域治更盛，面對強隊必防守為主，希望搶得1分得1分，可吼埋呢場和波，整條和波3串7，更為上算。