今晚直播柏林聯對雷根斯堡，主隊仍有望追趕聯賽第2直接升班位置，鬥志必佳，上盤讓半一，賽前先入手，走地必等機會追注入球大。
（on.cc東網周六凌晨零時30分直播）
柏林聯呢隊波今季同大家睇咗好多次，球隊用波能力唔差，但犯上大部分德國球隊通病，一贏波拖慢兼縮後。強如漢堡上周領先下，一退防被反勝、科隆周中補賽領先兩球下龜縮，都最終痛失兩分。柏林聯早前直播面對海登咸就係咁反勝為敗，印證晒現代足球必需主動嘅道理；事實上，因應今場柏林聯主場出擊，加上實力上秤先，佢哋喺未開紀錄前會採取主動，亦相信佢哋有能力取得入球，但入波後先係關鍵所在，如主隊一如往常拖慢節奏，雷根斯堡都係一支具火力嘅中游分子，加上若雷堡今場贏波，來回6分下仍有爬升上前3機會，所以呢場上盤只宜小注，走地先等主隊第一個入球，入波後睇水位追入球大先係重心出擊所在。
史浩克揀波踢要小心
至於同晚德甲有護級大戰，史浩克04今晚擊敗紐倫堡，基本上最多跌落尾3極之安全，睇佢哋之前作客仍有力贏漢諾威，似乎呢隊波並唔係渣，而係冇嘢爭情況下，揀有需要贏嘅比賽先嚟發力，作客讓平半都小注玩吓。