李城收夠籌唔會搏
周五英超特別場李斯特城主場迎戰紐卡素。紐卡素呢隊波唔好用常理去諗點樣投注，用攤路賭就最啱，佢哋有條黃金攤路，近9場作客和輸單跳，上次輸完今場會和波。李斯特城聯賽4連勝，分已經搶到夠晒，係時候獲利回吐，今場紐卡素受讓半一，必捧下盤。
（Now 621周六凌晨3時直播）
近9場「和輸」單跳
紐卡素今季好好賭，唔好理狀態、傷兵軍情、主客情況，總之跟攤路賭就掂，好似上場對水晶宮主場都輸波，就係因為佢哋對親倫敦球會都冇好結果，累積1勝3和9負，長反就掂。
今場亦都有黃金攤路，「喜鵲」作客唔掂係人都知，連盃賽在內9場未贏過，自舊年「拆禮物日」開始輸畀利物浦之後，呢9場都係「和輸」單跳，佢哋上場作客不敵阿仙奴，跟攤路今仗會開個「和」。
睇賽績李斯特城就梗係靚啦，聯賽4連勝，而且近7次對紐卡素6勝1負添。不過值得留意嘅係，「狐狸」搶埋咁多分其實已經夠晒數，前6又冇佢哋份，護級又唔關事，渡邊年就博佢獲利回吐喇，你信咪跟一口囉！