澳職周五戲碼由布里斯班獅吼對威靈頓鳳凰。獅吼現於澳職排尾二，早已無緣爭入前6嘅季後賽資格，近6場聯賽1勝5負無心戀戰之餘，防線更中門大開，呢6場更合共失20球，當中5場開4球或以上，今場中位數3.5球嘅入球大好路。
排第4嘅鳳凰幾乎肯定追唔到上第3，但因為季後賽係1場過，排名較高嘅球隊擁有主場優勢，所以佢哋都希望可以保住個第4，呢場唔會放軟手腳，球隊近4場狂轟16球，全開4球或以上，今場對住hea踢嘅獅吼，梗係要入多幾粒，大盤有着數呀！。
（myTV Gold302、Now639、有線655及615台周五下午5時50分直播）