至於另一倫敦球隊兼奪標大熱車路士，喺今晚歐霸8強首回合先作客捷克布拉格斯拉維亞。車仔雖然今屆歐霸多派副選應戰，但箭頭基奧特堅爭氣頻有士哥，挾近5場歐霸客場4勝之勢，有力搶先機，直取1.58倍客Ｗ！
（myTV Gold 800、Now 644、有線662及602台周五凌晨3時直播）
基奧特歐霸累積入9粒
捷克班霸布拉格斯拉維亞喺16強次回合，加時驚險淘汰西維爾，令人喜出望外，但除此之外，佢哋今屆未遇過強手，實力仲未得到證明。相反車仔今屆歐霸盃多派副選應戰，效果依然唔曳，其中喺聯賽失寵嘅中鋒基奧特，踢歐霸分外醒神，16強次回合作客基輔戴拿模更大演帽子戲法，協助球隊大炒5比0，佢喺今屆歐霸盃已累積9粒，位列賽事射手榜首位，為證明自己唔差得過主帥沙利嘅愛將希古恩，有得落場必定砌到盡。另一矚目新星赫臣奧杜爾亦連續3場歐霸有士哥，近期甚至升呢喺聯賽頻頻擔正，潛力無限。
由於英超爭前4仲好緊湊，現時排第3嘅「車仔」雖然形勢樂觀，但為免聯賽出意外，歐霸抽得靚籤梗係踩油盡去，決心唔使懷疑。睇番「車仔」近5場歐霸盃客場出擊，取得4勝1和，絕對有力先拔頭籌，客勝好路。