季後賽在望 和波大家好
周六下午澳職早場，有兩支好大機會攞到季後賽資格嘅墨爾本城同阿德萊德聯對碰，由於雙方已拋離第7位嘅紐卡素噴射機，呢場各取1分對大家都有好處，估計踢法相對會消極，捧中位數2.5球嘅入球細。
（myTV Gold 302、Now 639、有線655及615台周六下午3時35分直播）
排緊第6嘅墨爾本城上場以4比1大勝布里斯班獅吼，取得寶貴3分，現時已拋離第7位嘅紐卡素噴射機7分，但其實獅吼早已篤定無緣季後賽，呢場波明顯係「人棄我取」。事實上，墨爾本城近況唔係太好，唔計上場贏獅吼，對上8場聯賽只得1勝3和4負，表現絕對可以用「曳」嚟形容。
至於阿德萊德聯比墨城多1分排第5，球隊之前同樣經歷過一段低潮，聯賽一度5場不勝，至最近兩場先分別以1比0擊敗中岸水手同以3比1大勝威靈頓鳳凰。
聯賽碰頭少交收
由於常規賽前6名球隊可進身季後賽，依家只係得番3輪，今場若果各取1分，對墨城同阿聯嚟講算係唔錯嘅戰果，大家冇必要死砌。睇埋墨爾本城與阿德萊德聯以往交手都甚少交收，近6次聯賽碰頭5次總入球2球或以下，估計今場亦唔會例外，推介中位數2.5球嘅入球細。