維拉利爾留力護級
周五凌晨另一場歐霸8強次回合，華倫西亞將會返到主場再鬥維拉利爾。首回合贏3比1嘅華倫，近期穩步上升，尤其主場勢不可擋，呢場對番聯賽降班危機未除嘅維拉利爾，有望乘勢再下一城，主勝博得過。
（MyTV Gold 802周五凌晨3時直播）
新星古亞迪斯有料到
「蝙蝠軍團」首回合靠葡萄牙球星干卡路古亞迪斯大爆發，個人梅開二度幫助球隊搶得3比1勝局，攞住3個作客入球喺手，華倫想晉級4強相信問題不大。呢位22歲攻擊手上季以借將身份交出超班表現，令人眼前一亮，今季佢正式畀華倫買斷做「蝙蝠仔」，不過就等到賽季下半程先發力，近8仗為球隊上陣喪入6球，成功激活華倫沉寂咗成季嘅前鋒線，呢場對住「黃色潛水艇」嘅脆弱防線，葡萄牙仔隨時再有好戲上演。
況且維拉利爾聯賽仲要努力為護級奮鬥，好難分心兼顧歐霸。「黃色潛艇」好波之人辛迪卡索拉，重傷長抖後復出表現出色，可惜班隊友實在唔爭氣，令佢喺中場孤掌難鳴。球隊首回合喺主場都搞唔掂對手，呢場波面對有主場之利嘅華倫，維拉利爾更加難招架，捧番主勝好過。