歐聯過後未回氣
今晚西甲尾場，「1哥」巴塞隆拿主場迎戰皇家蘇斯達。巴塞喺聯賽遙遙領先，啱啱於歐聯激戰完未回氣，今仗隨時畀蘇亞雷斯等老將抖抖，而且近期於聯賽主場見好即收，較少大手交易，加上皇蘇造訪魯營球場只求輸少當贏，捧3.5球嘅入球細最划算。
(Now 632周日凌晨2時45分直播)
依家西甲形勢鮮明，巴塞已經甩開次席馬德里體育會9分，剩番6輪，只要正常發揮，相信蟬聯聯賽錦標機會極大，所以依家可能會放更多精力喺歐聯。吸取上季甚少輪換、導致歐聯8強出局嘅教訓，主帥華爾維迪亦學精咗，上仗聯賽收起美斯、蘇亞雷斯、拿傑迪錫等大批主力，作客悶和包尾嘅侯爾斯卡0比0，令佢哋喺周中歐聯堅生猛，最終大勝曼聯3比0，兩回合計贏4比0晉級4強，考慮到對「紅魔」之役搏得幾盡，華帥今仗隨時收起蘇亞雷斯、布斯基斯等老將，贏波就算唔會去盡。
皇蘇踢緊風流波
皇蘇早排一輪搶分後，已站穩中游，既難爭下屆歐洲賽席位，亦不愁降班，踢緊風流波，當然造訪魯營，有邊隊會咁傻仔同巴塞搶攻呢？只求輸少當贏。加上巴塞近期聯賽主場見好即收，近4次喺魯營出擊嘅聯賽全勝，但有3仗開2球或以下，捧3.5球嘅細盤更好路。