西甲皇家馬德里主場鬥畢爾包。皇馬聯賽爭標機會渺茫，今季任務只剩穩固聯賽前4位置，餘下賽事大可練兵及為來季鋪路，相反畢爾包為爭歐戰資格，肯定不願輕易失分令皇馬有機可乘，捧番中位數3.5球入球細好過。
（Now 632周日晚10時15分直播）
皇馬聯賽被榜首球隊巴塞遠遠拋離，可幸球隊穩佔聯賽第3位，眾將已經唔需要搏得太盡，隨着功勳主帥施丹提早重返球隊執教，皇馬似乎已經將目光放咗喺為下季做準備。皇馬近5仗聯賽主場入得8球，其中4次開3球或以下，加上早前表現生猛嘅巴西仔雲尼斯奧斯祖利亞重傷長抖，皇馬進攻隨時再遇阻滯。況且走勢回勇嘅畢爾包踢法硬淨，近5次對皇馬獲3和2負，全開3球或以下，呢場都係向中位數3.5球入球細埋手。
此外，皇近日睇中咗今季大爆發嘅法蘭克福21歲射手盧卡祖域，消息話皇馬同法福高層已經傾到深入階段，呢單交易大贏家隨時係法蘭克福，佢哋都係上個星期至用700萬歐元正式由賓菲加買入盧卡祖域，家陣想用7,000萬歐元將佢轉手賣畀皇馬，就算賓菲加會拆番20%收益，法蘭克福都大賺啦！