今晚重頭戲德甲弗賴堡對多蒙特，多蒙特正同拜仁爭霸戰意鮮明，不過佢哋近期作客初段經常發夢早失波，相反弗賴堡主場專打老虎之餘，仲頻頻偷雞取得領先優勢，呢場最佳投注策略係睇實我哋創富Form走地專家臨場推介，賽前提供黑柴大膽啲，建議先小敲有5.3倍嘅弗賴堡半場主勝。
弗賴堡係小球會，但教頭史特拉治喺德國球壇深受尊重，自從佢2011年上任以來，帶領弗賴堡先後贏過25支德甲同德乙球隊，直至今日只有兩隊係佢未贏過嘅，分別係今場對手多蒙特（12戰2和10負）同喺德乙嘅聖保利（兩戰1和1負），今晚弗賴堡喺冇壓力下當然想為教頭打破呢個宿命，佢哋最近兩連敗只係作客，主場打強隊特別醒神，今季就先後擊敗過勁旅慕遜加柏同ＲＢ萊比錫，亦喺最近1場主場和過班霸拜仁慕尼黑，睇番佢哋近3仗主場比賽，對奧格斯堡同哈化柏林都可以由頭贏到尾，上輪對拜仁亦喺開波3分鐘閃電先開紀錄，今晚隨時又會做急先鋒。
多蒙特作客欠穩亦慢熱，近5場德甲作客只係贏過1場，近3場更加先後喺半場落後畀奧格斯堡0比1、哈化柏林1比2同拜仁慕尼黑0比4，鋪鋪都要等到下半場至回魂，今晚作客弗賴堡上半場落後絕對不足為奇！