周四凌晨英超補賽，阿仙奴作客硬撼狼隊。狼隊今季對親Big 6球隊表現都特別醒，堪稱係强隊殺手，呢場遇上作客曳爆嘅兵工廠，肯定唔會留手，「讓球主客和」狼隊受讓一球，讓球主勝唔好錯過。
（Now 622周四凌晨2時45分直播）
阿仙奴防線不穩現晒形
阿仙奴不嬲主強客弱，近2仗雖然作客擊敗屈福特同拿玻里，可惜發揮其實只係一般，贏波幸運成分都幾高，上場回師返主場出戰，仲以2比3倒灶輸畀水晶宮，尤其中堅梅斯達菲嘅表現認真不堪入目，防線不穩嘅弱點表露無遺，加上中場艾朗藍斯因傷提早收咧，大大打擊戰力，呢場再次作客，實在難予人信心。
以「葡萄牙幫」為核心嘅狼隊，既有摩天奴喺中場派牌，魯賓尼維斯又不時放冷箭得手，迪亞高祖達夥拍墨西哥前鋒魯爾占美尼斯，喺聯賽已累積入19球，火力絕對唔講得笑。而且狼隊今季遇強愈強，近6次面對Big 6取得4勝1和1負，呢場無懼阿仙奴來犯，讓球主勝必捧。