周五凌晨西甲上演馬德里打吡，今季表現令人眼前一亮嘅基達斯主場鬥「銀河鑑隊」皇家馬德里。未計周四凌晨賽事，基達菲暫排聯賽榜第4位，領先西維爾及華倫西亞2分，有力爭奪來屆歐聯入場券。基達菲近12場聯賽取得6勝5和1負，不敗率逾9成，而且今季聯賽主場鬥巴塞隆拿都係僅負1比2，絕對有力一戰。
「艦隊」後防欠穩
現排第3嘅皇馬基本上已穩入前4，餘下球季最大目標係追趕同市宿敵馬德里體育會爭亞軍，皇馬近2場聯賽作客雖然先後輸畀華倫西亞及打和雷加利斯，不過射手賓施馬近期保持極高入球率，近5場聯賽個人轟入8球，考慮到皇馬近5場聯賽只有1場冇失波，加上雙方近年交鋒經常合演入球騷，近11次對賽一共合力炮製48球，10次總入球達3球或以上，大細中位數有2.5球，波童建議捧入球大。
（Now 632周五凌晨3時30分直播）