今晚「2哥」馬德里體育會喺較早時間主場迎戰華拉求列；馬體會爭標機會名存實亡，球員決心成疑，加上慢熱作風初段未必咬得入搶分護級嘅華拉度列，半場和好路。
（Now 632周六晚10時15分直播）
馬體會現時落後巴塞9分，加上輸對賽成績，要喺剩餘4輪從後趕上封王機會微乎其微。其實佢哋近況唔曳，近6場聯賽只係輸過畀巴塞，其餘5場贏晒，不過由於前鋒迪亞高哥斯達停賽收咧，艾華路莫拉達及基沙文都係偏向技術型前鋒，體形較單薄缺乏強攻本錢，所以近期好多比賽都係下半場先發力贏波，球員明顯入局較慢，近5仗就有4次同對手半場打和。
華拉度列近9仗7開半和
第17位嘅華拉度列只比尾3基羅納多1分，仲要搶分護級，佢哋自知實力唔及對手，比賽初段每每先做好防守，近9場聯賽就多達7次開半和，當中面對皇馬、基達菲及西維爾幾支前列硬嘢都頂到半場唔輸，馬體會鋒力唔好得過上述幾隊，今仗再追半場和好路。