另一場歐霸盃4強首回合，大熱門車路士作客法蘭克福。車仔箭頭基奧特喺歐霸腳風順到冇朋友，而法福射手盧卡祖域同樣士哥不斷，兩大神鋒正面對決，勢必合演入球騷，2.5球嘅大盤有買趁早。
（myTV Gold 800、Now 644、有線662及602台周五凌晨3時直播）
盧卡祖域基奧特鬥入波
雖然車仔於聯賽重返「4哥」位，但爭前4仍然緊湊，為確保下屆歐聯入場券，佢哋唔會放棄歐霸戰線。車仔今屆歐霸多用副選，但失意聯賽嘅箭頭基奧特堅爭氣，喺今屆歐霸11次上陣轟10粒，位列射手榜「1哥」，而輪換主力韋利安亦頻頻交出助攻，非常醒神。至於之前喺歐霸掛免戰牌嘅王牌夏薩特，喺8強階段已開始披甲，火力進一步加強。
另一邊廂，德甲今屆歐洲賽「幸存者」法蘭克福，在歐霸盃表現突出，先喺分組賽6戰全勝，其後接連淘汰薩克達、國際米蘭及賓菲加，唔講得笑，射手盧卡祖域功不可沒，呢位塞爾維亞國腳單係歐霸盃已累積8粒，難怪以借將身份來投未夠一季，已被法福急急買斷，可見一斑。睇番車仔近8場歐霸盃攻入24粒，其中7仗開3球或以上，造訪同樣進攻行先嘅法福，鬥攻格局實多波入，2.5球嘅大盤有分頭，不容錯過。