周五凌晨歐霸4強首回合一觸即發，當中阿仙奴主場硬撼華倫西亞。兵工廠領隊艾美利除咗係歐霸專家之外，對舊東家華倫都十分熟悉，加上球隊今屆歐霸主場持續強勢，呢場可乘勢擊敗「蝙蝠兵團」先拔頭籌，主勝好路。
（myTV Gold 303、Now 643、有線616及656台周五凌晨3時直播）
阿仙奴近期聯賽慘吞3連敗，爭前4形勢已經變得被動，為免出現連續3屆無緣歐聯嘅尷尬情況，惟有盡全力爭歐霸冠軍，以換取來屆歐聯入場券。講到爭歐霸，相信冇邊位會比兵工廠領隊艾美利更有經驗，呢位西班牙主帥曾經帶領西維爾連續3屆歐霸封王，更因此贏得「歐霸專家」嘅稱號，可見艾美利嘅戰術對應付盃賽十分有用。加上艾美利曾經喺華倫西亞執教4年，對「蝙蝠兵團」絕對唔陌生，呢場倒戈相向相信有助佢布陣克敵。
華倫西亞兩防中齊缺陣
喺西甲同樣要爭前4嘅華倫，雖然下半季整體表現有回升，不過近期又再出現小低潮，近兩仗先後喺聯賽輸畀馬德里體育會同伊巴，同西甲歐聯席位漸行漸遠，所以「蝙蝠兵團」都希望透過爭霸歐霸進軍下屆歐聯。可惜除咗中場干度比亞因傷提早收咧之外，另一位悍將高基連亦要坐波監呢場冇份踢，兩位主力防中齊齊缺陣，對靠中場兇狠攔截、快速轉守為攻呢招戰術揾食嘅華倫嚟講絕對係雙重打擊。況且兵工廠今屆歐霸6次主場出擊豪取5勝1和，包括上圈首回合先喺主場贏拿玻里2比0，重攻輕守嘅華倫隊長柏利祖就算再好波，面對兵工廠都獨力難支，睇好「兵工廠」靠主場之利首回合打爆「蝙蝠兵團」，主勝唔好錯過。