至於早場我哋亦有哈化柏林主場對史特加，雙方近期同樣守強於攻，兩位門將近期都弗爆多次作出神救，今晚對碰相信入波唔會多，吼有2.15倍嘅中位數2.5球細盤。
（on.cc東網周六晚9時30分直播）
哈化柏林目前位列中游冇嘢爭，但早前5連敗搞到高層震怒宣布下季換帥，球隊隨即喺近兩場踢出鬥志，不過前線嚴重啞火，近5場聯賽合共只入1球，主場對包尾嘅漢諾威都只能互交白卷，好在防線走多步加上門將查斯甸屢救險球，上輪作客面對前列法蘭克福都可以力保不失，今晚返主場都冇本錢搶攻，預期會繼續以穩為先等機會。
史特加上輪換帥後主場爆冷以1比0擊敗慕遜加柏，士氣大振，不過睇番過程贏得好夠運，全靠門將薛拿多次神救至保不失，事實上佢哋近5場聯賽加埋只入兩球，作客入球能力更低，目前排尾3要護級雖然搶分心切，但都明白要追上尾4球隊難度太高，兼且和波拋離榜尾兩隊，起碼可以力保護級附加賽席位，相信都唔敢冒險，今場入波又點會多？