今晚英超頭場有「3哥」熱刺打頭陣，作客硬撼般尼茅夫。熱刺依家心繫歐聯4強次回合，何況剩番2輪聯賽只要贏1場就可保住前4，今仗隨時擺埋一邊，加上般茅近年主場謝幕戰特醒，仲有得受讓咁筍，必捧讓球主勝。
（Now 621周六晚7時30分直播）
熱刺留力歐聯勒住踢
熱刺啱啱周中喺歐聯4強首回合，有主場之利下仍以0比1輸畀阿積士，落後兼畀對手搶到作客入球，形勢不妙，嚟緊周中次回合作客，想出線殺入決賽非勝不可，睇番上輪聯賽輸畀韋斯咸1粒，班波就係掛住歐聯搞到心不在焉，依家仲要落後緊，今仗戰意成疑，對阿積士之役撞到爆缸嘅後衞維頓漢，為穩陣起見亦好大機會缺陣。話就話熱刺要為保住前4搶分，但查實佢哋喺最後兩輪只需贏1場，就可達標，現時歐聯大過天，保前4留番下輪先喇。
般尼茅夫已經護級成功，依家踢緊風流波，不過今仗係今季最後一仗主場賽事，為報答球迷支持，一定落力打好謝幕戰。翻查紀錄，般茅近3季聯賽主場謝幕戰，取得2勝1和未輸過堅醒。加上熱刺近期客場特衰，近5仗聯賽作客輸晒，又要留力周中歐聯之下，寧捧受讓嘅般茅讓球主勝。