西甲冠軍巴塞隆拿作客切爾達，翻開受注表你會發現，原來今場擁有主場之利嘅切爾達，主W比巴塞隆拿熱，只得2.08倍，讓球主客和仲要係讓波嗰邊，無他嘅，一邊要搶分護級，一邊係風流波，唔通巴塞下周有歐聯大戰跟尾仲出美斯同你搏咩？信操盤手畀料，今場一於撐主勝。
（Now 632周日凌晨2時45分直播）
今場開盤賠率係切爾達勝2.08倍、和波3.35倍、巴塞隆拿勝2.9倍。翻查紀錄，切爾達對巴塞個W原則上都係5倍或以上，要低過3倍，只喺2006年5月出現過一次，但當時都仲係巴塞較熱，今次係首次出現切爾達賠率熱過巴塞。
巴塞留力歐聯或全輪換
大家都明白，巴塞聯賽冠軍已到手，而且雖然歐聯4強領先利物浦3比0，不過幾日之後就係次回合，為咗避免有乜閃失，相信巴塞教練華爾維迪有可能全隊輪換，留力同紅軍死過。至於切爾達現時排15位，但其實距離降班區只有2分，聯賽只剩低3場，每場都要搶分，難得遇正踢風流波嘅巴塞，唔憑主場之利全力搶3分都對唔住自己啦，切爾達主場已經3連勝，博佢哋可以再下一城，捧主勝。