今晚開售賽事唔多，但阿King一樣搵到筍嘢，重心德乙獨腳戲史特加主場對波琴。史特加有左閘波拿蘇沙坐波監，防守力削弱，波琴一向進攻大過天，今仗隨時合演入球騷，3/3.5球嘅入球大值博。
（周二凌晨2時30分開賽）
爭升班嘅史特加，開季4場聯賽錄得2勝2和，表現不俗，不過左閘波拿蘇沙在上仗悶和奧厄之役，因插水累積兩黃變一紅被逐，今仗停賽難免影響防線穩健性。另一邊廂，波琴開季4場聯賽2和2負仍未開齋，最大問題係戰術過於進取，4戰狂失10粒，搞到排名跌落下游，雖然啱啱炒咗主帥杜特，但仲未搵到人接手，預計踢法唔會有太大改變，相信會勁多波入，3/3.5球嘅大盤值得捧場。
巴黎FC好守得追半和
至於法乙方面，包尾嘅巴黎FC主場迎戰查貝利，巴黎FC日前喺法聯盃死守城池，並憑互射12碼淘汰GFCO阿些斯奧，士氣略為回升，呢班波初段特別守得，近5仗有4次開半場和，而查貝利攻力疲弱，惟有玩拉布，近4仗全部食白果，其中3仗開半場和，半場和不妨追多鋪。
最後係聽朝巴甲護級大戰，富明尼斯主場對艾華爾，富明尼斯剛喺南球盃出局，依家可專注聯賽，遇上開季8場作客聯賽7敗嘅艾華爾，絕對係搶分好時機，主勝有計。