衞冕嘅葡萄牙喺歐國外B組賽事作客弱旅立陶宛，葡萄牙上場以4比2擊敗塞爾維亞，打開小組勝利之門，貝拿度施華、干卡路古亞迪斯等新星冒起，可為隊長C朗分擔進攻重任，造訪經常於初段失球嘅立陶宛，可以大炒一場，讓球客勝值捧。（有線602及662台周三凌晨2時45分直播）
上屆盟主葡萄牙於頭2場歐國外先後在主場賽和同組最強對手烏克蘭及塞爾維亞，幸好及後在歐國聯連挫瑞士及荷蘭封王，信心回升，並於上場歐國外作客以4比2擊敗塞爾維亞成功開齋。葡萄牙進攻模式以往過於倚賴隊長C朗，如今其身邊有貝拿度施華、干卡路古亞迪斯等減輕負擔，干卡路古亞迪斯近2場均有士哥，貝拿度施華上場更有入波及助攻，傳球成功率高達96％，後備席上亦有「新C朗」祖奧菲歷斯候命，火力可靠。
另邊廂，立陶宛喺頭4場歐國外僅得1和3負，包括不敵弱旅盧森堡，表現差強人意，難怪成為包尾大幡。連同上屆在內，立陶宛近6場歐國外只得2和4負，防線極不集中。塞爾維亞同烏克蘭之前分別炒立陶宛4比1同3比0，以C朗唔認輸性格，肯定都要炒番場立威，讓球主客和「-2」都捧葡萄牙讓球客勝。