歐國外D組重頭戲，愛爾蘭主場鬥瑞士；兩軍踢法都係守強攻弱，睇牌面應該會係一場入波唔多嘅比賽，足智彩嘅2.5球入球細賠率僅得1.38倍冇肉食；呢組出線席位如無意外都係呢兩隊同丹麥之爭，既然3隊今屆賽事都未輸過，愛爾蘭主場受讓平半，揀下盤仲抵玩。
（有線603及604台周五凌晨2時45分直播）
愛爾蘭目前喺D組4戰得10分排榜首，不過佢哋已經兩鬥同組最弱嘅直布羅陀，嚟緊先係真正考驗。愛爾蘭鋒力唔算強，但只要佢哋專心做防守，對手要入佢哋波亦唔易，連同熱身賽在內，佢哋近8場比賽有6場冇失波，擺明防守先係佢哋強項。
近8戰6場零失球
瑞士由於要應付歐國聯比賽，暫時只係踢咗2場歐國外，結果先後以2比0擊敗格魯吉亞及3比3打和丹麥，其中鬥丹麥喺領先3比0嘅絕對優勢下，竟然喺完場前10分鐘內連失3球，痛失2分，可見佢哋後防唔係想像之中咁穩陣，作客讓波有暗湧，今場揀愛爾蘭下盤更好路。