周六凌晨法甲焦點戰，梅斯主場強戰衞冕嘅巴黎聖日耳門（PSG），等阿King用呢場波度番條過關好路畀大家。PSG陣中多位當家球星因傷倦勤，尼馬又深陷轉會風波未必會踢，就算對住新升班嘅梅斯，睇怕都幾難取得大勝，一於吼實入球細。
（MyTV Gold 302台、Now 639、有線615及655台周六凌晨2時45分直播）
不嬲靠開前場攻擊手揾食嘅法甲豪門PSG，季初深受傷兵問題影響，基利安麥巴比、卡雲尼同達斯拿等一班主力攻擊手全部無一幸免中晒招，同時間，巴西球星尼馬嘅轉會傳聞滿天飛，就算未確認離隊，心在曹營身在漢嘅佢表現都難有保證，前場只靠祖普莫亭擔大旗，PSG就算場面上佔優，呢場都唔會入好多波，捧番入球細好過。
串拉魯斯勝學生隊大
去到周六早上有兩場阿甲好戲推介，首先有拉魯斯主場鬥新升班嘅CA科爾多瓦中央，拉魯斯聯賽收穫2連勝狀態夠弗，呢場地頭出擊穩操勝券，主勝值博。另一場學生隊主場惡戰沙士菲，客軍近3仗全開4球或以上，明顯入得又失得，呢場隨時同學生隊鬥攻，中位數2.5球入球大唔好錯過。