神鋒對決搶拔頭籌
今晚亞冠8強首回合再爆「中日大戰」，FC廣州主場迎戰鹿島鹿角。FC廣州有神箭艾克森回巢，火力更猛；鹿角亦有「亞冠福將」沙真奴安東尼奧助陣，隨時以攻代守，阿King誠意推介中位數2.5球嘅大盤。
（Now 671、有線612及652台周三晚8時直播）
剛入籍中國嘅箭頭艾克森（原名艾傑臣）今夏重返FC廣州，回巢後聯賽7戰入7粒，係球隊重登中超榜首嘅功臣。艾克森過往代表FC廣州出戰亞冠盃共入15球，經驗同實力唔使懷疑，拍住傷愈復出嘅巴西射手塔利斯卡，主場出擊勢必爭取入波。不過鹿角中場沙真奴安東尼奧同樣咁弗，今屆已累入5球，呢支衞冕球隊喺亞冠踢法主動，近9場亞冠盃客戰有7次開3球或以上，入球騷走唔甩。
阿積士主場喪攻尼料
夜啲嘅歐聯附加賽次回合，阿積士主場鬥尼科西亞，首回合兩隊踢成0比0，阿積士回師主場必狂攻，要中位數3.5球嘅大盤。（myTV Gold 303、Now 643、有線616及656台周四凌晨3時直播）最後聽朝美職獨腳戲，蒙特利爾衝擊新援保贊上仗射入世界波，明顯已適應美職，今仗主場有力帶領球隊半場KO溫哥華白帽。
（myTV Gold 302台、Now 639、有線615及655台周四早上8時直播）