英超尾場諾域治對曼城，兩軍都有犀利射手衝鋒陷陣，「藍月亮」阿古路同史達寧幾瘋狂唔使多介紹，「金絲雀」亦有箭頭迪姆普基腳風奇順，以實力秤，曼城呢場贏波冇難度，但客W只得1.08倍，讓球盤又讓到2/2.5球，不如轉玩中位數3.5球大更啱數。
（Now 621周日凌晨零時30分直播）
曼城開季頭4場聯賽3勝1和，以2分之微落後畀利物浦，不過球隊顯示瘋狂攻力，奇雲迪布尼回勇造就球隊狂轟14球冠絕英超。呢名上季長期養傷嘅比利時中場，開季頭4場均有助攻，合共交出5次助攻排第1位，若果今場交出2次助攻，就會追平阿仙奴名宿亨利在2004/05年度頭5場錄7次助攻嘅紀錄。
諾域治迪姆普基腳風順
迪布尼翻生，最大得益者當然係阿古路及史達寧，兩人今季聯賽共入11球，阿古路以6球居射手榜榜首，佢今輪國際賽期更免役，抖足應付今場聯賽。史達寧代表英格蘭踢歐國外亦保持勇態，2場2入球4助攻，弗到漏油。
諾域治雖然戰績一般，頭4場聯賽錄1勝3負，不過所入嘅6球當中，芬蘭箭頭迪姆普基包辦了5球及1次助攻，即是全部都有份參與，而且為芬蘭出戰2場歐國外均有進帳，近6場有披甲賽事入7球，腳風超順，在曼城過於壓前的戰術、並有中堅拿樸迪長抖下，更有利「金絲雀」打反擊，加上曼城頭4場聯賽全開4球或以上，捧3.5球入球大啱晒。