雙箭強橫 幼獅肯砌
周三凌晨歐國外A組焦點戰，坐鎮溫布萊球場嘅英格蘭將會迎戰科索沃。「三獅軍團」一班攻擊好手弗到漏油，帶領球隊歐國外連續多仗大炒對手，氣勢沒法擋，加上科索沃今屆表現都畀到球迷驚喜，呢場隨時同英格蘭鬥攻，中位數3.5球入球大好路。
（有線601及661台周三凌晨2時45分直播）
英格蘭延續上年世盃同歐國聯打入4強嘅餘威，今屆歐國外頭3場先後擊敗捷克、黑山同保加利亞，暫時以9分位列小組榜首，出線機會高唱入雲。英格蘭近年人才輩出，領隊修夫基亦好鍾意起用新人，令阿歷山大阿諾特、查頓辛祖、迪格蘭賴斯同占士麥迪臣等人有機會上位，為原有班底帶來良性競爭同無窮鬥心，加上哈利卡尼同史達寧狀態大勇，近3仗包辦10個入球，球隊鋒力堪稱絕頂強橫。
科索沃進步踢法開放
於2016年正式以獨立國家身份加入歐洲足協嘅科索沃，今屆首次參戰歐國外，比起上屆世盃外圍賽10戰僅獲1和9負嘅成績，表現大有進步，4戰過後暫時以8分高踞小組次席，大有機會爆冷出線。尤其科索沃過去4仗歐國外場場有波入，包括上仗2比1擊敗捷克，以及早前3比2力克保加利亞，踢法夠開放。英格蘭近7場歐國外主場5次開4球或以上，對住踢法大無畏嘅科索沃，相信一場入球騷肯定走唔甩，中位數3.5球大盤博得過。