歐國外另一場大戰，I組蘇格蘭主場挑戰比利時。小組1哥比利時整體實力超班，尤其近期踢法搶韁，呢場為免夜長夢多照辦煮碗，蘇格蘭根本難有力抵擋，一於捧比利時半場勝。（有線603及604台周二凌晨2時45分直播）
I組榜首嘅「歐洲紅魔」雖有夏薩特兄弟缺陣，不過陣中好波之人依然多到十隻手指數唔晒。而最搶鏡嘅肯定非奇雲迪布尼莫屬，呢位上季飽受傷患困擾嘅曼城中場，已經弗返晒，今季聯賽為「藍月亮」交出1入球5助攻嘅驕人成績，表現勢不可擋，仲將好狀態帶埋去國家隊，上仗帶領球隊4比0大勝聖馬力諾，計埋呢場波，比利時近5仗全部半場就取得領先優勢，開波就圍攻對手嘅場面可以話係比比皆是，加上有盧卡古同上仗梅開二度嘅巴舒亞伊兩大前鋒候命，比利時開局就有條件反客為主。
早前喺歐國聯C1組搶得首名席位嘅蘇格蘭，已經鎖定歐國盃附加賽資格，可算係為國家隊贏得安全網，不過面對競爭激烈嘅歐國外賽事，戰鬥力明顯不足，上仗主場就畀俄羅斯反勝2比1，加上首循環0比3不敵比利時，歐國外2連敗士氣低迷，呢場再遇比利時隨時一開波就失守，推介半場客勝。