喺歐國外F組5戰全勝排榜首嘅西班牙，主場迎戰5戰皆北嘅法羅群島。兩支球隊實力差天共地，加上西班牙一眾新星為爭取新帥摩蘭奴信任，必定全力爭取表現。法羅群島實力差西班牙幾班，而且近4場歐國外，有3場都是在上半場已被對手攻入至少3球，博中位數2/2.5球半場大。
（有線605台周一凌晨2時45分直播）
「鬥牛國」主帥摩蘭奴由2011年開始跟安歷基多年，由羅馬、切爾達、巴塞隆拿到西班牙國家隊，已經盡得安歷基真傳，而且亦深明西班牙需要進行年輕化，今次佢召入丹尼施巴路斯同柏高艾卡沙，上輪對對羅馬尼亞已證明佢揀蟀無錯，二人都表現出色，柏高艾卡沙更射入1球，唔使擔心接班問題。
雖然摩蘭奴今年6月19日先上任，查實喺今年3月至6月鬥牛國3場歐國盃外圍賽，安歷基都請假，呢3場全部由摩蘭奴揸弗，更取得3連勝，包括作客大炒今場對手法羅群島4比1，完全熟晒路。
法羅群島慣早失守
法羅群島小組5戰全敗，而且全部都係早早失守，近4場歐國外有3場半場總入球已經4球或以上，包括首循環嗰場，半場都輸畀鬥牛國1比3，今場半場大有個中位數2/2.5，賠率吸引值得一試。