周三凌晨英格蘭聯賽錦標上演多場激戰，等阿King度番條過關心水畀大家研究吓，其中唐卡士打將會主場迎戰林肯城，唐卡士打近期走勢回勇，包括早前喺英甲聯賽主場擊敗林肯城，今次主場強勢出擊，有望照辦煮碗再贏多一次，2.44倍主勝值得一博。
（周三凌晨2時45分開賽）
今季由前西布朗主帥戴倫摩亞接過教鞭嘅唐卡士打，近期收穫聯賽2連勝，狀態勇銳，其中包括上仗主場靠新加盟嘅莊泰萊射入奠勝球，以2比1擊敗林肯城，可見一班球員對於如何應付林肯城已經頗有心得。作客嘅林肯城近3季2度升班，走勢的確搶鏡，不過上到嚟英甲呢個水平，競爭難免更為激烈，球隊近期就遭遇作客2連敗，表現欠缺說服力，為留力聯賽，今次盃賽場合未必盡全力，寧願捧主勝較穩陣。
另外，黑池主場鬥乙組仔摩甘比，摩甘比作客2連敗兼且合共失咗7個入球，今場根本冇本錢同英甲前列分子黑池周旋，讓球主勝有計。
摩甘比連敗撐黑池
最後阿克寧頓主場鬥費列活特，阿克寧頓上仗大踢爭氣波強勢反彈，對住作客3連敗嘅費列活特，阿克寧頓有望再下一城，主勝咪走寶。