周二凌晨有場德甲獨腳戲，禾夫斯堡主場鬥賀芬咸，阿King度條過關醒大家。作為德甲至今其中一支不敗之師，禾堡實力絕對有保證，而今季陣容變化極大嘅賀芬咸一路表現飄忽，作客想搶分難度極高，禾堡今仗主場讓半一，上盤玩得過。
（Now 670及Fox+、有線611及651台周二凌晨2時30分直播）
禾夫斯堡德甲開咧至今4戰2勝2和，係領頭羊RB萊比錫同班霸拜仁慕尼黑之外，另一支不敗之師，連盃賽及熱身賽已連續8場不敗走勢極佳，上仗禾堡出戰歐霸旗開得勝，仲成為歐霸首輪分組賽唯一一隊贏到波嘅德甲分子，夠晒爭氣；當中荷蘭射手韋格賀斯搶盡風頭，聯賽4次上陣斬獲3球兼貢獻1次助攻，絕對係禾堡搶分保證。
相反，今夏轉會窗放走祖連頓同施沙拉爾等主力嘅賀芬咸，近4仗僅得1勝1和2負，其中3場食白果，上輪德甲主場更慘吞弗賴堡3蛋，士氣大受打擊，呢場作客難有本錢同禾夫斯堡周旋，捧禾堡上盤穩陣。
布拉加遇私房菜起筷
另外，有兩場葡超好戲上演，先有布拉加主場對馬里迪莫，布拉加近4場聯賽主場鬥馬里迪莫取3勝1和，3場勝仗都贏對手2球或以上，往績有支持，上仗歐霸布拉加强勢擊敗狼隊士氣大振，呢場有望乘勢追擊，讓球主勝值博。
另一場葡超，新升班奇兵法馬利卡奧作客挑戰士砵亭，法馬利卡奧開咧豪取4勝1和令人眼前一亮，相反士砵亭連續3仗不勝狀態低沉，睇好法馬利卡奧繼續顛覆葡超傳統秩序，一於博讓球客勝。